På grunn av smittevernhensyn held biblioteka i Sogndal kommune stengt frå fredag 13. mars og inntil vidare. 

Det blir ikkje sendt ut purringar i denne perioden, og det er ikkje høve til å levera eller bestilla bøker no.

Når biblioteket er stengt, kan du nytta deg av dei digitale tilboda våre i staden. Du kan mellom anna låna e-bøker og e-lydbøker i appen BookBites, lesa biletbøker på Billedbokhylla.no eller sjå dokumentar- og kortfilmar på Filmbib.no. Alle er gratis å bruka. 

No kan du skaffa deg digitalt nasjonalt lånekort ved å registrera deg på nb.bib.no. Som digital nasjonal lånar har du tilgang til nasjonale bibliotektenester som mellom anna Filmbib og BookBites.

Lån ei bok der du er! Når du har lånekort på biblioteket, kan du lasta ned appen BookBites og lesa e-bøker og høyra e-lydbøker gratis. 

Aftenposten junior og Framtida junior er  gode nettsider med faktabaserte nyhende spesielt retta mot barn. I tillegg kan ein få tips til ting ein kan finna på heime no, mellom anna kviss, matlaging og andre aktivitetar.

Alle arrangement på Sogndalsbiblioteka er avlyst/utsett på ubestemt tid.