Maria Lang: Ingen penger til Vendela (1981)
Maria Lang (1914-1991) heitte eigentleg Dagmar Maria Lange. I si tid var ho Sverige sin mest produktive kriminalforfattar. Bøkene hennar gjev ein fint tidsbilete og syner endringane i samfunnet. Lang debuterte i 1949 med Mördaren ljuger inte ensam. I romanen eg har plukka ut startar det heile med ein romankonkurranse. Juryen plukkar ut manuset dei synest er best, men det syner seg at personen som står bakom har valt å vera anonym. Berre namnet Vendela og eit bilete av ei dame i kvite klede føl med manuset. Det syner seg etter kvart at Vendela skriv om sitt eige liv. Etter kvart får me vita meir om kva som har hendt. Manuset syner seg å vera dagboki til Vendela. Maria Lang skriv svært engasjerande og mange av bøkene hennar er filma. Ho er ukomplisert og lett å lesa. Romanene hennar høver for dei som ynskjer lett underhaldning. Visstnok er det berre eit mord i kvar bok, men for mange lesarar er dette nok. Kanskje Maria Lang fortener ein renessanse?
Kari Johanna