Bli med på Sommarles 2017!
Frå 1. juni til 31. august kan du som går i 1.- 7. klasse delta på Sommarles 2017.
Sommarles er i år ein nettbasert lesekampanje. Det vil seia at du registrerer bøker, får lesetips, løyser oppgåver og kan følgja med på kva vennene dine les på nettsida sommarles.no. Her får du òg tilgang til ei spennande fantasyforteljing, skriven av forfattar Mari Moen Holsve.
For kvar bok du les og registrerer på sommarles.no, får du XP (poeng) og går etterkvart opp i level. Etter kvart som du samlar poeng, får du premiar som du kan henta på biblioteket.
Ta turen innom sommarles.no for meir informasjon, eller besøk biblioteket!
I september blir alle barna som har delteke invitert til sommarlesfest på biblioteket.