Hovudtemaet er drøfting av dei regionale planane som Vestland fylkeskommune arbeider med. Fylkeskommunen vil sjølv vere til stades på møtet. Særleg blir merksemda retta mot korleis planane skal styrke kvardagen og framtidsutsiktene for ungdom i Sogn – eit gjennomgåande fokus i Sognaregionen sitt arbeid.

Møtet handsamar også årsmelding og rekneskap for 2025, eit år prega av breitt og konstruktivt samarbeid mellom kommunane. Det vart gjennomført fleire viktige utgreiingar om regional utvikling og vertskommunesamarbeid. Politiske tema som er løfta er og drøfte er mellom anna rekruttering, næringsutvikling, mobilitet og interkommunalt samarbeid. Året markerte også framdrift i arbeidet med å skape sterkare felles identitet og betre koplingar mellom kommunane, næringslivet og utdanningsmiljøa.

Tingsetet vert avslutta med val av leiar for komande år.

Møteinnkalling ligg i møtekalendaren 

Stemninga var god, og fleire viktige saker vart handsama.Eit sentralt punkt på dagsorden var vedtak av ein felles mobilitets- og samferdsleplan for regionen. Etter fleire rundar med drøftingar både i Sognatinget og i dei einskilde formannskapa, vart planen vedteken samrøystes. Diskusjonen i tingsalen var god og prega av vilje til samarbeid.

Sogn KO (kommunalt oppgåvefellesskap) orienterte om fire vertskommunesamarbeid som no vert sendt vidare til kommunane for handsaming. Innstillinga frå kommunedirektørane, som utgjer styret i KO, er samrøystes. Dette vart motteke med glede, og fleire uttrykte forventning til at samarbeida vil bidra til å sikre gode og framtidsretta tenester til innbyggjarane.

Mot slutten av dagen løfta Sognatinget blikket og drøfta behovet for tettare regionalt samarbeid på eit meir overordna nivå. Tilbakemeldingane frå deltakarane var tydelege: Det er både rom og behov for å styrke samarbeidet mellom kommunane i Sogn.

Neste møte i Sognatinget er 13. april i Vik.

Møteinnkalling og møteprotokoll Sognatinget

Mobilitets- og samferdsleplan for Sogn

Sognasmeden: – Eg trur alle er veldig innstilte på samarbeid

Felles barnevern og NAV i Sogn: – Me har landa fire samrøystes vedtak

Rapport - Utgreiing av felles barnevern i Sogn_2025_10_26.pdf

Rapport vart presentert på informasjonsmøte på Campus Sogndal 20. oktober 2025. Presentasjonar nytta i møtet ligg her:

• Sogn KO - Felles Barnevern i Sogn
• KSKonsulent - Presentasjon av rapport om Felles barnevern i Sogn
• Høgskulen på Vestlandet - Universitetsbarnevernet i Sogn

Den vidare prosessen ser slik ut

3. november: Handsaming i styret til Sogn kommunalt oppgåvefellesskap
4. november: Orientering i Sognatinget
November og desember: Eventuell handsaming i dei politiske organa i kommunane.
2026: Eventuell implementering.

Sakshandsamar i Sogn KO er Torgeir Skålid: torgeir.skalid@sogndal.kommune.no

Kommunane Aurland, Lærdal, Årdal, Luster, Sogndal og Vik står samla i ei sterk støtte til Lærdal sjukehus og uttrykkjer stor uro over dei framlagde kutta frå Helse Førde.

1. Lærdal sjukehus – eit veldrive og viktig nærsjukehus
Lærdal sjukehus har i mange år levert tenester av høg kvalitet, mellom anna innan ortopedi, barselomsorg og som nærsjukehus for innbyggjarane i regionen. Tilbodet er godt etablert, med godt kvalifiserte tilsette og pasientar som kjem langvegs frå for behandling. Sjukehuset har eit godt og tett utvikla fagleg samarbeid med Førde sentralsjukehus og er ein trygg og viktig institusjon for innbyggjarane i heile Sogn.

2. Sogn – ein livskraftig og framtidsretta region
Sognaregionen er i vekst, og dekker nasjonale viktige oppgåver innan industri, kraftproduksjon, reiseliv og offentleg forvaltning. Regionen treng robuste helsetenester som støttar opp under utvikling, og der er nærsjukehuset ein viktig leverandør.

3. Behov for vidareføring og styrking av sjukehuset
Kommunane i Sogn forventar at Lærdal sjukehus får behalde funksjonane sjukehuset har i dag. Å svekke tilbodet vil vere eit alvorleg tilbakeslag for pasientar, tilsette og samfunnsutviklinga i regionen. Eit sterkt nærsjukehus er avgjerande for å sikre god beredskap, tryggleik og framtidig vekst.

Vi ber helseministeren, styret i Helse Førde og Helse Vest om å ta omsyn til den samla røysta frå Sogn, og sikre vidare drift og utvikling av Lærdal sjukehus som ein sentral helseinstitusjon i vår region.

Foto: Arild Finne Nybø

Sidan 2013 har vi, saman med skulane og fylket, jobba for å utvikle ein god og berekraftig struktur for vidaregåande opplæring i Sogn. Det har gjeve resultat. Tilbodet er betre tilpassa det lokale arbeidslivet, elevane sine ønskjer og fylkeskommunen sin økonomi.

Det siste året har samarbeidet mellom våre to skular i Årdal og Sogndal og kommunane blitt styrka, i tråd med vedtaket frå fylkestinget i desember 2024. Dette arbeidet held fram.

Det er viktig at Årdal vidaregåande skule får behalde eit breiast mogeleg tilbod og fleire klassar. Elevtalsauken for industriteknologi, kjemiprosess- og laboratoriefag styrkar både skulen og regionen. Skulen lovar også læreplassar til dei som kvalifiserer seg. Samstundes er det avgjerande at Sogndal vidaregåande held fram som ein stor skule med eit allsidig tilbod. Det vil sjølvsagt frå år til år vere naudsynt med justeringar ut frå samfunnet sine behov og elevane sine ønskjer.

Av programområda vil vi trekke fram restaurant- og matfag. Sogn er ei viktig reiselivsdestinasjon og i sterk vekst som mat- og drikkeregion. For å sikre framtidig rekruttering til desse næringane har skulen og næringslivet jobba tett saman for å utvikle opplæringstilbodet – noko som fylkesadministrasjonen støttar opp om i sitt forslag til endra opplæringsprogram i Vestland.

Vi ser fram til å halde fram det gode samarbeidet med fylket, skulane og dei tilsette – til beste for elevane, arbeidslivet og naudsynt framtidig utvikling og omstilling.

Med si plassering langs viktige ferdselsårer og nær store arbeidsplassar, gir sjukehuset rask og livsviktig hjelp når det gjeld som mest.

Gjennom mange gode grep er sjukehuset modernisert, og det blir i dag drive kostnadseffektivt og med høg kvalitet. Sjukehuset har eit breitt spekter av tenester som gynekologisk poliklinikk, jordmorteneste, audiograf, øyre-nase-hals, mammografi, gastro-, hjarte-, skade- og ortopedisk poliklinikk. Desse tilboda er tett på og betyr mykje for innbyggjarane våre. Institusjonen har også over 250 viktige kompetansearbeidsplassar i regionen.

Sognaregionen har over lang tid stått samla i støtta si til Lærdal sjukehus. Denne støtta står like sterkt i dag, og det er ein god og løpande dialog med leiinga i Helse Førde og med sentrale helsepolitikarar om utviklinga vidare.

Utgreiinga Aurland har teke til orde for, endrar ikkje dei faktiske forholda: Lærdal sjukehus er viktig, velfungerande og breitt forankra i heile regionen. Samstundes kan utgreiinga gje ny kunnskap som kan bidra til utvikling og styrking av tilbodet.

Regionen vil også i framtida stå samla, og følgje utviklinga av tilbodet ved sjukehuset tett.

Retning for samferdsla
Tinget peika ut kva samferdslesaker regionen skal prioritere i Nasjonal transportplan, og starta drøftinga av ny regional transportplan. I neste møte, 4. november, skal tinget ta stilling til ein samla mobilitet- og samferdsleplan for Sogn.

Sognaplanen og felles bodskap
Det vart gjeve innspel til handlingsdelen for Sognaplanen og jobba vidare med ein samla Sognabodskap. Arbeidsutvalet fekk fleire oppdrag med seg fram mot neste møte – eit steg som tydeleg markerer eit aukande regionalt samarbeid for eit styrka Sogn.

Ny leiar
Etter tre år med Roy Egil Stadheim (Vik) som leiar for Sognaregionen valde tinget Kjell Bøe Bjørgum, ordførar i Aurland, som ny leiar. Stig Ove Ølmheim frå Sogndal vart ny nestleiar. - Det er god driv i samarbeidet no, og Sognatinget blir ein stadig viktigare møteplass for felles retning og strategisk arbeid i regionen, sa Bjørgum ved avslutninga av tinget.

Med eit mål om å styrke både samferdsla og den regionale identiteten, legg Sognatinget no grunnlaget for ei meir samordna og framtidsretta utvikling i Sogn

Møteinnkalling og møteprotokoll for Sognatinget 

Heile 30 elevbedrifter frå ungdomsskulane i Sogn skal syne seg fram og konkurrere på messa, i tillegg til mange flotte standar frå lokalt næringsliv. Me skal også på spennande bedriftsbesøk til ulike bedrifter i Sogndal denne dagen. Den lokale gründeren Markus Solberg vil gjennom føredrag for 8. klassingane inspirere elevane til å tenkje nytt og draume stort.

Me reknar med å vere ca 500 ungdommar samla til ein dag med mykje læring og fellesskap på tvers av skulane og næringslivet i Sogn.

Brosjyre entreprenørskapsmesse i Sogndal

Lenker til møtekalendaren: 

Arbeidsutvalet i Sognarådet

Representantskapet i Sogn kommunalt oppgåvefellesskap (KO)