Omsorgstenester

Tenesteeining Pleie og omsorg har ansvaret for drift av pleie- og omsorgstenestene i Sogndal kommune. Sogndal omsorgssenter omfattar omsorgsbustader og institusjonsplassar med gateadressene Skulevegen 7A, 7B, 7C og Skulevegen 9. Sogndal omsorgssenter er administrasjonsstad for pleie- og omsorgstenesta i Sogndal kommune.

Eininga har som mål at
· innbyggjarane skal kunne bu og klare seg sjølv best mogleg i eigen heim
· kunne motta tenester innanfor gjevne økonomiske rammer

Sogndal omsorgssenter har 62 omsorgsbustader og 25 institusjonsplassar. Brukarar med behov for heildøgns pleie- og omsorg vert etter ei individuell vurdering tildelt dette tilbodet i omsorgsbustader eller i institusjon. Inntil 8 plassar i institusjon vert nytta til korttids-/dag-/natt- og rehabiliteringsopphald.

Tenesta disponerer/tildeler i tillegg bustader ved:
· Fjærlandsfjord busenter med 4 omsorgsbustader
· Leighgota 3 med 12 bueiningar
· Fossetunet 1B med 10 bueiningar

Heimebaserte pleie- og omsorgstenester omfattar heimehjelp og heimesjukepleie. I støttefunksjon til tenesta er ergo- og fysioterapiteneste. Tenesta formidlar framleige av tryggleiksalarmar frå Lev vel Helse og utlån av hjelpemiddel frå eige lager og frå Hjelpemiddelsentralen.